DEG-DEG:- Shan kamid ah dadkii ku lugtaa kiiska Caa’isha oo Garowe lasoo gaarsiiyay

Dowladda Puntland ayaa xalay saqdii dhexe magaalada Garowe soo gaarsiiyay shan kamid ah dadkii ku lugtaa kiiskii kufsiga iyo dilka ahaa ee loo geystay Caa’isha Ilyaas Aadan.

Sarkaal katirsan laamaha amniga ayaa Puntlandi u xaqiijiyay in raggaani ay ku jiraan kuwo iskudayay inay baxsadaan oo ugu dambayn lagu guulaystay in gacanta lagusoo dhigo.

Ma jirto cid hadda ka maqan gacanta dowladda oo ku lug lahayd kiiska Caa’isha, ayuu inoo sheegay sarkaalku.

Ragga hadda loo hayo kiiska Caa’isha oo dhan 7 rag ah ayaa waxay isugu jiraan kuwo kiisku ku cad yahay iyo qaar kaloo loo haysto inay ku leeyihiin oo uu weli baaritaan ku socdo.

Eedeysanayaasha ayaa maxkamada lasoo taagidoonaa todobaadkaan soo socdo, sida ay maxkamadu sheegtay.