Gudigii IGAD “ Ma jiraan wax caddeyn ah oo muujinaya in Kenya ay faragelin ku hayso arrimaha Soomaaliya,”

Kooxdii loo xilsaaray inay baaraan sheegashada Soomaaliya ee ah in Kenya faragelin ku hayso arimaheeda gudaha ayna hubeyso maleeshiyo si ay u qalqal geliyaan amaanka wadanka deriska la ah ayaa sheegaya in aysan jirin wax cadeyn ah oo taas xaqiijinaya hadalka had iyo jeer ka soo yeera Xukuumada Federaalka Soomaaliya ee hada Xilku kasii dhamaanayo.

Eedeymahaas ayaa sababay in khilaaf diblumaasiyadeed uu dhexmaro Kenya iyo Soomaaliya.

“Guddigu wuxuu tixgelinayaa in cabashooyinkaas, laakiin aan lagu salayn Xiriirka diblomaasiyadeed ee u dhexeeya Kenya iyo Soomaaliya. Waa run in dowladda federaalka ah ee Soomaaliya ay u madaxbanaan tahay go’aannadeeda, ”ayaa lagu yiri qayb ka mid ah warbixin ay soo saartay kooxda.

“Si kastaba ha noqotee, markii si dhow loo baaray waa mid aan ku habbooneyn in Dacwooyinkaas soo socdaan maxaa yeelay labada dal waxay si aad ah isugu xiran yihiin siyaasad ahaan, dad ahaan iyo dhaqaale ahaanba.” Ayay yiraahdeen kooxdii loo xilsaaray.

Waxay intaas ku dareen cawaaqib xumada ka dhalatay isqabqabsiga diblomaasiyadeed inay sameeyeen in 3,000 oo caruur Soomaaliyeed ee dhigta iskuulada Kenya dhinaca Xuduuda.

Kooxda Waxay ku taliyeen in dadaal badan oo diblomaasiyadeed la galiyo si loo heshiisiiyo labada dal ee walaalaha ah ee Kenya iyo Soomaaliya.

Tani waxay daba socotaa awaamiir ka soo baxday shirkii 38-aad ee IGAD ee lagu qabtay Jabuuti bishii Diseembar 20, 2020, intii uu socday shirkii madaxda gobolka iyo dowladaha oo looga hadlay xiisadda diblomaasiyadeed ee saameysay xiriirka Kenya iyo Soomaaliya.

Soomaaliya waxay xiriirkii diblomaasiyadeed u jartay Kenya bishii Diseembar 15, 2020, ka dib markii ay goor sii horeysay u yeertay safiirkeeda una dirtay wakiilka Kenya dalkiisa si uu wadatashi ula yeesho maamulkiisa 30-kii Nofeembar, 2020.

Guddi ka kooban diblomaasiyiin iyo saraakiil ciidan iyo wakiil ka socda IGAD ayaa markii dambe loo diray Kenya iyo Soomaaliya bishii Janaayo iyada oo ujeeddadeedu ahayd soo uruurinta xaqiiqooyinka iyo xogta qiil u siinaya mowqifyada labada dal.

Xukuumada Soomaaliya waxay ku andacootay inuu jiro xad gudub ku saabsan hawada Soomaaliya iyo xuduudaha dhulka Soomaaliya iyo waxayna dhowrjeer dalbadeen in ciidamada Kenyaee ka tirsan Amisom .

“Waa sax in Mas’uuliyiinta Kenya ay u aqoonsadeen Axmed Madoobe inuu yahay madaxweynaha Jubaland doorashadii kadib xili dowladda dhexe ee Soomaaliya ay diiday inay aqoonsadaan Axmed Madoobe” ayaa lagu yiri warbixinta.

Gudigu iyagoo isticmaalaya Satarlayt waxay arkeen Xeryo Ciidan oo ay ku jiraan Ciidamada ay Dowlada Federaalku keentay Gobolka Gedo, laakiin ma aysan arag Dhinaca Kenya Xeryo Ciidan oo Ciidamo Soomaaliyeed degan yihiin.

Puntlandi.com Nairobi

<