Warmurtiyeed kasoo baxay kulankii Casmara oo Raysal wasaare Abiy Ahmed uu ku sameeyey Urur Goboleed Cusub

Kulan uu Raysal wasaaraha Itoobiya gadaal ka riixayo oo ay ka qayb Galeen Madaxweynayaasha Erritria iyo Kan Soomaaliya ayaa lagu sheegay in lagu dhisay Urur Goboleed Cusub.

Ila Dublamaasiyadeed ayaa Puntlandi.com u Xaqiijiyey in bishii Decembar 2019 uu Raysal wasaare Abiy Ahmed uu Adis Ababa ka sheegay inuu ku haminayo iskaashi u gaara Geeska Afrika, kulanka Casmara ee maantana wuxuu Raysal wasaare Abiy Ahmed ka dhabeeyey Hamigiisii ahaa Dhismaha Dalad cusub oo ay wada yeeshaan Wadamada Geeska Afrika qaarkood.

Urur Goboleedkaan cusub waxaa loogu yeeray Iskaashiga Geeska Africa, waxaana xubin ka ah Soomaaliya oo Madaxweyne Farmaajo u saxiixay, Itooboya iyo Erritria.

Jabuuti iyo Kenya ayaa horay u diiday kamid noqoshaha Urutka uu Hindisay Raysal wasaaraha Itoobiya.

Macada waxyaabaha ay iska kaashanayaan Wadamada ku bahoobay Ururkaan cusub.

Hoos ka akhriso Warmurtiyeed ka ay Villa Soomaaliya kasoo saartay kulanka Casmara
War-murtiyeedka Wadajirka ah ee Kulanka Madaxda dalalka Ereteriya, Itoobiya iyo Soomaliya

Madaxda dalalka iyo dowladaha Ereteriya, Itoobiya, iyo Soomaaliya ayaa magaalada Asmara ku kulmay 27-ka Jannaayo, 2020.

Saddexda hoggaamiye waxa ay yeesheen wadahadallo toos ah oo qotodheer oo ku aaddan xaaladda ka taagan dalalkooda, iskaashiga saddex geesoodka ah ee u dhexeeya iyo arrimaha ka soo cusboonaaday gobolka Geeska Afrika.

Saddexda hoggaamiye waxa ay mar kale ku celiyeen sida ay uga go’an tahay Heshiiska Saddex Geesoodka ah ee ay saxiixeen bishii Sebtembar ee sannadkii 2018, waxayna dib u eegeen waxyaabihii ka soo baxay dadaalkooda wadajirka ah ee ku aaddan hirgelintooda.

Saddexda hoggaamiye waxa ay meelmariyeen Qorshe Hawleed Wadajir ah oo loogu talagalay sannadka 2020 iyo wixii ka danbeeya kaasi oo xoogga lagu saarayo labada ujeeddo ee isku-dhafan ee adkaynta nabadgelyada, xasiloonida iyo amniga iyo sidoo kale sare u qaadidda horumarka dhaqaale iyo bulsho. Waxa ay sidoo kale ku heshiiyeen inay dardargeliyaan dadaalkooda wadajirka ah si kor loogu qaado iskaashi heer gobol oo wax ku ool ah.

Dhanka ammaanka, saddexda hoggaamiye waxay isla qaabeeyeen qorshe sal-ballaaran oo lagula dagaallamayo, lagagana takhalusayo halista guud ee ay wada wajahayaan, oo ay ka mid yihiin argagaxisada, hubka, tahriibinta dadka iyo maandooriyaha.

Dhanka horumarinta dhaqaale iyo bulsheed, waxay isku waafaqeen in ay mudnaanta siiyaan abaabulidda khayraadka bini-aadam iyo kan dabiiciga ah ee faraha badan; iyaga oo dhisaya, casriyeynaya, iskuna xiraya kaabayaasha dhaqaalaha iyo waaxaha adeegyada iyo waxsoosaarkaba. Waxay sidoo kale muujiyeen sida ay uga mahadinayaan, diyaarna ugu yihiin la shaqaynta saaxiibbadooda iyo daneeyayaashooda, iyadoo lagu salaynayo is-ixtiraamid iyo kala-faa’idaysi siman.

Saddexda hoggaamiye waxay isku raaceen in ay si dhow ula tashadaan walaalahooda iyo Madaxda Dawladaha kale si loo xaqiijiyo yididdiilada dadkoodu u qabaan helidda Iskaashi dhex mara Geeska Afrika oo wax ku ool ah.

Waxa laga soo saaray Asmara, Ereteriya, Jannaayo 27, 2020.

DHAMMAAD

Wixii faahfaahin ah, fadlan kala xiriir;

<